DSE數學MC必勝時間分配大法

你有冇試過DSE 卷二MC題目做唔哂呢？卷二時限係75分鐘，而題目有45條，即係平均每條只能用大概1.6分鐘完成（講緊嘅係0分鐘check卷），時間可以話係非常緊迫，今日我就同大家分享一個時間分配嘅方法！

我自己落場考嘅時候會分3「浸」做：

第一浸：用最快速度完成一望就知點做同埋所需時間少嘅題目，例如指數化簡/因式分解/百分數/簡單既統計/圓形特性/進制/排列組合等等。第一浸飛題目既準則係望10秒寫唔出野就即飛，務求令到第一浸嘅時間全部花係最簡單嘅題目上，起碼識既做得哂先。（當然同學如果實力越強，第一浸嘅題目數量就會越多，就對你越有利）

第二浸：返轉頭做返一啲啱啱因為覺得太陌生/樣衰所以冇嘗試過既題目，呢d題目往往會同圖形有關。因為你之前第一浸已經做左唔少題目，所以你會更冷靜咁樣做第二浸陌生既題目，會更易諗到你驚果陣諗唔到既野，盡量用完成得多題目黎令自己冷靜。

第三浸：你頭兩浸都做唔到果d題目。呢啲題目將會係全卷最難嘅題目，喺最後嘅時間你可以即管嘗試吓，又或者用foul 答案或者撞答案嘅方法處理。

每個人做呢3浸題目最後嘅分數當然都會唔一樣，但係呢個方法嘅好處就係就算你程度幾差都好，你識嘅題目最終都一定會夠時間做，將時間準確咁樣分配係每個同學都做到嘅事。

大家不妨即刻攞一份past paper計時用呢個方法做，我相信你會突然間高分左好多！